• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کلچرل فیسٹیول، 30 ویں روز A Soulful Dance Journey پیش

آج کا اخبار
اہم خبریں
30 نومبر ، 2025
کراچی (ذیشان صدیقی/ اخترعلی اختر) ورلڈ کلچرل فیسٹیول، 30ویں روز A Soulful Dance Journey پیش، اوپن مائیک ٹاک سیشن، ڈانس ورکشاپ، فلم اسکریننگ، تھیٹر پلے اور میگا میوزیکل کانسرٹ 3.0کا انعقاد۔ تفصیلات کے مطابق آرٹس کونسل آف پاکستان کراچی کے ورلڈ کلچرل فیسٹیول کے 30ویں روز مالی کے ڈانسر Lassina Konéکی جانب سے ”A Soulful Dance Journey“ کے عنوان پردستاویزی فلم پیش کی گئی، اوپن مائیک ٹاک سیشن، ڈانس ورکشاپ، فلم اسکریننگ، تھیٹر پلے اور میگا میوزیکل کانسرٹ 3.0 کا انعقاد کیاگیا۔ فیسٹیول کے 30ویں روز کا آغاز مالی کے معروف تخلیق کار، کوریوگرافر اور رقاص Lassina Koné کی جانب سے A Soulful Dance Journeyکے عنوان پر پیش کی گئی ڈاکومینٹری سے ہواجس میں لاسینا کونے اپنے رقص کے ہر قدم میں روایت، احساس اور انسانی روح کی گہرائیوں کو سمو تے دکھائی دیتے ہیں۔ اس موقع پر لاسینا کونے نے کہاکہ اس دستاویزی فلم کو بنانے میں بچوں کو سات مہینے لگے، ورلڈ کلچرل فیسٹیول بہت اچھا ہے، کسی بھی رقص کرنے والے کے پیچھے کوریوگرافر ہوتا ہے، آرٹس کونسل کے لوگ اور انتظامیہ بہت اچھی ہے، انہیں فن و ثقافت کو لے کر نہ صرف پاکستان بلکہ پوری دنیا میں جانا چاہیے۔ ڈانس اکیڈمی کے مانی چاؤ نے کہاکہ میں آرٹس کونسل اور احمد شاہ کا شکریہ ادا کرتا ہوں جن کی کاوشوں سے ورلڈ کلچر فیسٹیول کا انعقاد ہوا، طالب علم دنیا بھر سے آئے فنکاروں کے ساتھ پرفارم کرکے خود کو پرجوش محسوس کررہے ہیں، آرٹس کونسل کے بچوں میں بے پناہ ٹیلنٹ موجود ہے، ڈانس میں خوشی، خود مختاراور آزادی بہت معنی رکھتی ہے، میوزک کے جادو کو اپنے اندر محسوس کریں آپ کو رقص کا مزہ آئے گا۔ ”، ہدایت کار عادل شاکر کا تھیٹر پلے The Glass Managerieپیش کیاگیا۔ حسن ، شیرل ، فاطمہ اور رضا کی جانب سے پیش کی گئی اداکاری نے شرکاءکو جذباتی کردیا۔ فیسٹیول کے 30ویں روز کا اختتام میگا میوزیکل کانسرٹ 3.0 پر کیاگیا جس میں ٰفارس شفیع، میشا شفیع، Sahib Pashazade(آذربائیجان) ، Darabu اور پاکستان کے ابھرتے ہوئے گلوکار ”Gizri “نے اپنی پرفارمنس سے فیسٹیول کو چار چاند لگا دیے، جون ایلیا لان لوگوں سے بھرا ہوا تھا جبکہ کنسرٹ میں شائقین جھومنے رہے۔
اہم خبریں سے مزید