• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

”پاکستان آئیڈل“ نے زندگی یکسر تبدیل کردی، رومیصا طارق

آج کا اخبار
اہم خبریں
30 نومبر ، 2025
کراچی (محمد ناصر) لندن سے بزنس میں گریجویشن گلوکارہ اگلے راؤنڈ میں سخت مقابلے کیلئے تیار، ”لانگ گواچا“ سے وائرل توجہ کا مرکز۔ ”پاکستان آئیڈل“نے زندگی یکسر تبدیل کردی، رومیصا طارق۔ تفصیلات کے مطابق پاکستان آئیڈل کے ٹاپ 16میں شامل لاہور کی رومیصا طارق نے کہا ہے کہ پاکستان آئیڈل نے زندگی یکسر تبدیل کردی ہے۔ لوگ اَب ہر جگہ مجھے پہنچاننے لگے ہیں۔ میں نے میوزک نہیں سیکھا بلکہ مجھے گانے سن کر بہن نے مشورہ دیا کہ مزید گاتی رہو۔ جیو اور جنگ سے گفتگو کرتے ہوئے رومیصا طارق کا کہنا تھا کہ اُن کی پرفارمنس کے دوران گایا گیا گیت“لانگ گواچا”سوشل میڈیا پر وائرل ہوا جس نے انہیں ملک بھر میں مقبول بنا دیا۔ رومیصا کی والدہ کا کہنا ہے کہ“ہمارا تعلق پٹھان فیملی سے ہے جہاں گانا گانا معیوب سمجھا جاتا ہے، لیکن میں بیٹی کے خوابوں کے راستے میں کسی رکاوٹ کو نہیں آنے دوں گی۔رومیصا نے کہا کہ بیک اسٹیج تمام اُمیدوار ایک دوسرے کی مدد کرتے ہیں، ماحول دوستانہ ہے۔ آنے والے راؤنڈز میں کامیابی کیلئے انہوں نے ووٹنگ کی ذمہ داری دوستوں کی ایک طویل فہرست کو سونپ دی ہے اور وہ سخت مقابلے کیلئے پوری طرح تیار ہیں۔
اہم خبریں سے مزید