فرمان الہی
نماز کے اوقات
بانی پی ٹی آئی کی ہمشیرہ علیمہ خان نے کہا ہے کہ اب ہمارا لائحہ عمل ہے کہ منگل کے دن فیملی کے 6 ممبرز کی ملاقات ہونی چاہیے۔
راولپنڈی میں میڈیا سے گفتگو کرتے ہوئے علیمہ خان نے کہا کہ جمعرات کو 6 پارٹی لیڈرز کی بانی پی ٹی آئی سے ملاقات ہونی چاہیے، بانی پی ٹی آئی سے ملاقاتوں کے حوالے سے عدالتی آرڈرز موجود ہیں۔
بانی پی ٹی آئی کی دوسری ہمشیر عظمٰی خان نے کہا کہ بانی کی صحت بلکل ٹھیک ہے، 4 ہفتوں سے بانی پی ٹی آئی کو کسی سے ملنے نہیں دیا گیا، بشریٰ بی بی کو بھی قید تنہائی میں رکھا گیا ہے۔
انھوں نے کہا کہ بار کونسلز کے انتخابات کیلئے حامد خان اور سلمان اکرم راجہ امیدوار چنیں گے۔ محمود اچکزئی اور علامہ راجہ ناصر کا نوٹیفکیشن ہونا چاہیے۔
عظمٰی خان نے کہا کہ سہیل آفریدی کو بانی پی ٹی آئی کی مکمل سپورٹ حاصل ہے، ان کا سارا آئین اور قانون صرف پی ٹی آئی پر لاگو ہوتا ہے۔
