حکمراں جماعت مسلم لیگ ن نے وزیرِ اعظم شہباز شریف کے معاونِ خصوصی برائے سیاسی امور رانا ثناء اللّٰہ کو پارلیمان کے ایوانِ بالا (سینیٹ) میں پارٹی کا پارلیمانی لیڈر نامزد کر دیا۔
ن لیگ کے صدر نواز شریف نے سینیٹر رانا ثناء اللّٰہ کو سینیٹ میں پارٹی کا پارلیمانی لیڈر نامزد کیا ہے۔
ن لیگی صدر کے فیصلے سے متعلق نائب وزیرِ اعظم اور وزیر خارجہ سینیٹر اسحاق ڈار نے چیئرمین سینیٹ یوسف رضا گیلانی کو باضابطہ تحریری طور پر آگاہ کر دیا ہے۔