فرمان الہی
نماز کے اوقات
سابق وزیر خزانہ مفتاح اسماعیل نے کہا ہے کہ مائنڈ سیٹ کا مسئلہ ہے، شہباز شریف کے ہوتے ہوئے ایکسپورٹس نہیں بڑھ سکتیں۔
جیو نیوز کے پروگرام نیا پاکستان میں گفتگو کے دوران مفتاح اسماعیل نے کہا کہ ایکسپورٹس بڑھانے کی بات تو درست ہے مگر اسے بڑھائیں گے کیسے؟
انہوں نے کہا کہ کچھ تو نظر آئے، جس سے لگے کہ معیشت ترقی کی طرف جارہی ہے، حکومت صرف کاروباری طبقے کو دلاسہ دینے کےلیے آئی ایم ایف سے رعایتیں مانگ رہی ہے۔
سابق وزیر خزانہ نے مزید کہا کہ امیروں کو مراعات دینی ہو تو آئی ایم ایف کو منا لیتے ہیں، غریبوں کو رعایت کے لیےآئی ایم ایف کو نہیں مناتے۔
مفتاح اسماعیل نے یہ بھی کہا کہ ہمیں آئی ایم ایف سے رعایتیں نہیں مانگنی چاہیے بلکہ اپنے اخراجات کم کرنے چاہیے۔
ان کا کہنا تھا کہ شہباز شریف کے ہوتے ہوئے ایکسپورٹس نہیں بڑھ سکتیں، مائنڈ سیٹ کا مسئلہ ہے، اگر آپ خسارہ بڑھائیں گے تو آئی ایم ایف سے جان کیسے چھوٹے گی؟
