فرمان الہی
نماز کے اوقات
بالی ووڈ اسٹار رنویر سنگھ کی فلم ’دھریندر‘ جو اب تک کی سب سے زیادہ کمائی کرنے والی ہندی فلم قرار دی جا چکی ہے، معمولی ترامیم اور تبدیلیوں کے ساتھ دوبارہ سنیما گھروں میں ریلیز کر دی گئی۔
بھارتی میڈیا کے مطابق بھارت کی وزارتِ اطلاعات و نشریات نے فلم سازوں کو ہدایت دی ہے کہ فلم میں لفظ ’بلوچ‘ سے متعلق حوالہ جات کو خاموش (میوٹ) کر دیا جائے۔
این ڈی ٹی وی کے مطابق وزارتِ اطلاعات نے فلم میں دو الفاظ اور ایک مکالمہ، جو بلوچ سے متعلق تھا، حذف یا میوٹ کرنے کا حکم دیا ہے۔ ترمیم شدہ ورژن یکم جنوری سے ملک بھر کے سنیما گھروں میں دکھایا جا رہا ہے۔
بھارتی پروپیگنڈا فلم دھریندر میں رنویر سنگھ، اکشے کھنہ، ارجن رامپال، آر مادھون اور سنجے دت نے مرکزی کردار ادا کیے ہیں۔
فلم میں کراچی کے علاقے لیاری کی منظر کشی حقیقی زندگی سے ہٹ کر کی گئی اور اسے ایک خیالی اور منفی انداز میں پیش کیا گیا جہاں ایک بھارتی جاسوس کو ہیرو دکھایا گیا۔ فلم میں لیاری کو بھارت کے اندرونی مسائل سے جوڑنے کی کوشش بھی کی گئی ہے۔
