• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب میں نئے سرکاری ملازمین کے لیے ڈیفائنڈ کنٹریبیوشن پنشن سکیم نافذ

میرا شہر
ملتان
04 جنوری ، 2026
ملتان (سٹاف رپورٹر) نئے سرکاری ملازمین کے لیے ڈیفائنڈ کنٹریبیوشن پینشن سکیم نافذ کر دی گئی، ایک رِٹائرمنٹ پلان جہاں کسی فرد کی رٹائرمنٹ انکم، ایک وعدہ شدہ ادائیگی کی بجائے ان کے، ان کے آجر، اور ان فنڈز پر کی گئی سرمایہ کاری کی آمدنی پر منحصر ہوگی، حکومتِ پنجاب نے 7 جنوری 2024 کے بعد بھرتی ہونے والے تمام سرکاری ملازمین کے لیے ڈیفائنڈ کنٹریبیوشن (طے شدہ حصہ ڈالنے کی) پینشن سکیم نافذ کر دی ہے، جس کے تحت نئے ملازمین کی بنیادی تنخواہ سے 10 فیصد ماہانہ کٹوتی کی جائے گی، حکومت پنجاب کی جانب سے 12 فیصد حصہ پینشن فنڈ میں جمع کیا جائے گا، حکام کے مطابق نئے بھرتی ہونے والے ملازمین کو سیپ سسٹم میں شامل کرنے کے لیے پینشن فنڈ سے متعلق مکمل معلومات فراہم کرنا لازم ہو گا، جن میں اکاؤنٹ ٹائٹل، فنڈ مینِجر کا نام، انویسٹر اکاؤنٹ نمبر، بینک کا نام اور آئی بی این نمبر شامل ہیں، محکمہ خزانہ نے تمام متعلقہ سرکاری دفاتر کو ہدایت کر دی ہے کہ وہ جاری کردہ احکامات پر سختی سے عمل یقینی بنائیں، تاکہ پینشن سے متعلق نئے نظام کو مؤثر انداز میں نافذ کیا جا سکے، کسی بھی قسم کی غفلت یا کوتاہی کی صورت میں متعلقہ افسران ذمہ دار ہوں گے۔ ڈیفائنڈ کنٹریبیوشن (ڈی سی) پینشن سکیم ایک رِٹائرمنٹ پلان ہے جہاں کسی فرد کی رٹائرمنٹ انکم، ایک وعدہ شدہ ادائیگی کی بجائے ان کے، ان کے آجر، اور ان فنڈز پر کی گئی سرمایہ کاری کی آمدنی پر منحصر ہوتی ہے۔
ملتان سے مزید