فرمان الہی
نماز کے اوقات
بھارت کی ریاست اڑیسہ کے ضلع کینڈوجھر سے سامنے آنے والی ایک دلچسپ اور حیران کن ویڈیو نے سوشل میڈیا صارفین کی توجہ حاصل کر لی، جس میں ایک جنگلی ہاتھی کو فٹبال کھیلتے ہوئے دیکھا جا سکتا ہے۔
واقعہ اس وقت پیش آیا جب مقامی نوجوان ایک میدان میں فٹبال کھیل رہے تھے کہ اچانک قریبی جنگل سے ایک ہاتھی میدان میں داخل ہوگیا اور فٹبال کے قریب آ کر رک گیا۔
ویڈیو میں دیکھا جا سکتا ہے کہ ہاتھی نے گیند میں دلچسپی ظاہر کی اور ناصرف اسے سونڈ یا ٹانگوں سے چھونے لگا بلکہ باقاعدہ طور پر گیند کو لاتیں بھی ماریں، اس دوران نوجوان کھلاڑیوں نے احتیاطاً محفوظ فاصلہ برقرار رکھا۔
فوٹیج میں نوجوان ہاتھی کو میدان سے دور لے جانے کی کوشش بھی کرتے نظر آئے، تاہم ہاتھی کچھ دیر تک وہیں رکا رہا اور فٹبال کھیلنے سے لطف اندوز ہوتا رہا۔
یہ ویڈیو تیزی سے سوشل میڈیا پر وائرل ہو رہی ہے، جہاں صارفین دلچسپ اور حیران کن تبصرے کر رہے ہیں۔
