فرمان الہی
نماز کے اوقات
امریکی ریاست لاس اینجلس میں ایک گھر کے تہہ خانے میں رہنے والے 550 پاؤنڈ وزنی ریچھ کو 37 دن بعد نکال لیا گیا۔
امریکا میں ایک شخص کے گھر کے نیچے 37 دن تک رہنے والا 550 پاؤنڈ وزنی سیاہ ریچھ بالآخر پینٹ بالز کی مدد سے نکال دیا گیا۔
گھر کے مالک کین جانسن کے مطابق ریچھ 30 نومبر کو ان کے گھر کے تہہ خانے میں آ کر بس گیا تھا، جس کے باعث وہ ہفتوں ذہنی دباؤ اور نیند کی کمی کا شکار رہے۔
جانسن کو ابتدا میں اس وقت شک ہوا جب انہوں نے اپنے گھر کے اردگرد اشیاء کو الٹا پڑا اور ٹوٹا ہوا دیکھا۔ بعد ازاں معلوم ہوا کہ ایک دیوہیکل ریچھ ان کے گھر کے نیچے رہ رہا ہے۔
کین جانسن کا کہنا ہے کہ ریچھوں کے تحفظ کیلئے کام کرنے والی تنظیم نے گھر میں ریچھ کو 20 منٹ میں نکال دیا۔
ریچھ کے نکلنے کے فوری بعد جانسن نے احتیاطی تدابیر کے طور پر تہہ خانے کو لکڑیاں لگا کر بند کردیا، اس کے علاوہ داخلی راستے پر ایک الیکٹرک میٹ بھی بچھائی، جو قدم پڑنے پر ہلکا سا جھٹکا دیتی ہے۔
یہ حفاظتی انتظامات اس وقت کام آئے جب ریچھ اگلے دن واپس آیا لیکن الیکٹرک میٹ سے جھٹکا لگتے ہی اندھیرے میں بھاگ گیا۔
