فرمان الہی
نماز کے اوقات
دنیا کا قدیم ترین زیتون کا درخت یونان میں واقع ہے، جو حیران کن طور پر آج بھی زیتون پیدا کر رہا ہے۔
یہ درخت اولیو ٹری آف وووز (Olive Tree of Vouves) کے نام سے جانا جاتا ہے اور یونان کے جزیرے کریٹ (Crete) کے گاؤں آنو ووز (Ano Vouves) میں واقع ہے۔
ماہرین کے مطابق اس درخت کی عمر تقریباً 3 ہزار سال ہے، جبکہ بعض ماہرین کا کہنا ہے کہ یہ 4 ہزار سال تک پرانا ہو سکتا ہے، یعنی یہ کئی قدیم تہذیبوں سے بھی 1 ہزار سال پہلے کا ہے۔
درخت کا تنا انتہائی مضبوط اور گھنا ہے، جس کا گھیراؤ تقریباً 12.5 میٹر (41 فٹ) جبکہ قطر تقریباً 4.6 میٹر ہے۔
1997 میں اس درخت کو قدرتی یادگار قرار دیا گیا، جبکہ اس کے قریب ایک زیتون میوزیم بھی قائم کیا گیا ہے۔
یہ درخت ناصرف اپنی غیر معمولی عمر کی وجہ سے مشہور ہے بلکہ اس کی شاخیں تاریخی اہمیت بھی رکھتی ہیں، جنہیں مختلف مواقع پر استعمال کیا گیا، جن میں اولمپک کھیلوں کی تقریبات بھی شامل ہیں۔
