فرمان الہی
نماز کے اوقات
محکمہ فائر بریگیڈ کے اعلیٰ حکام کا موقف ہے کہ گل پلازا کی 1500 سے زائد دکانوں میں بیک وقت آگ بھڑکی۔
اعلیٰ حکام کو دی گئی بریفنگ میں فائر چیف آفیسر محمد ہمایوں نے کہا کہ گل پلازا کم و بیش پونے 2 ایکٹر پر مشتمل بازار ہے۔
انہوں نے کہا کہ 1500 سے زائد دکانیں تھیں، جن میں بیک وقت آگ بھڑکی ہوئی تھی، آگ پر ابتدائی قابو پانے کے لئے کوئی نظام موجود نہیں تھا۔
فائر چیف آفیسر نے مزید کہاکہ آگ بجھانے کے لئے بھی کوئی ایمرجنسی راستے بازار میں موجود نہیں تھے۔
اُن کا کہنا تھا کہ عمارت میں آگ لگنے کی ابتدائی وجہ اب تک معلوم نہیں ہوسکی، آگ کی اطلاع 10:26 منٹ پر موصول ہوئی، چند منٹوں میں گاڑیاں جائے وقوع پر موجود تھیں۔
بریفنگ میں محمد ہمایوں نے یہ بھی کہا کہ آگ کی نوعیت دیکھنے کے بعد شہر کے تمام فائر اسٹیشن پر موجود گاڑیاں اور عملہ طلب کیا۔
انہوں نے کہا کہ پانی کی موجودگی وافر مقدار میں تھی پریشانی عوام کی تعداد سے ہوئی، آگ پر قابو پاتے ہوئے ایک فائر فائٹر بھی شہید ہوا ہے۔
فائر چیف آفیسر نے کہا کہ 37 سال کی نوکری میں ایسی آگ نہیں دیکھی جو بیک وقت ہر جگہ لگی ہوئی تھی، لوگوں کے رش اور ٹریفک کی وجہ سے آپریشن میں مشکلات ہوئیں۔
