فرمان الہی
نماز کے اوقات
کینیڈا میں ایک کرایہ دار نے پیسے بچانے کیلئے اپارٹمنٹ کی ہیٹنگ بند کر دی جس کے بعد اپارٹمنٹ حقیقی زندگی کا برفانی قلعہ بن گیا۔
اس حوالے سے بتایا جاتا ہے کہ کیوبیک میں ایک عمارت کے مالک نے حال ہی میں اپنے ایک یونٹ کو موٹی برف میں لپٹا ہوا پایا، اس کی وجہ شدید سردی کے باعث پانی کی لائنیں پھٹنا تھی۔
بتایا جاتا ہے کہ کینیڈا میں توانائی کے اخراجات بہت زیادہ ہیں اور ہر کوئی پیسے بچانے کی کوشش کرتا ہے، لیکن کیوبیک کے شہر تروئس ریویئرز میں اپارٹمنٹ کے مالک نے یہ سبق سیکھا کہ سخت سردیوں کے دوران چھٹیوں پر جاتے وقت ہیٹنگ بند کرنا کوئی مؤثر طریقہ نہیں ہے۔
مذکورہ اپارٹمنٹ کا مالک جیکس نالٹ جب اپنے اپارٹمنٹ پر آیا تو اسے لگا کہ وہ کسی برفانی محل میں داخل ہو گیا ہے۔ دیواریں، چھت، فرنیچر اور تمام آلات ایک فٹ موٹی برف سے ڈھکی ہوئی تھی۔
اسکا کہنا تھا کہ یہ سب کچھ ایک کرایہ دار کی کفایت شعاری کا نتیجہ ہے۔ گرمی کے بل میں کچھ پیسے بچانے کے لیے کرائے دار نے چھٹیوں پر جانے سے پہلے اپارٹمنٹ کی ہیٹنگ بند کر دی، جس سے پانی کی لائینں منفی درجہ حرارت کے سبب پھٹ گئیں، ہر چیز برف سے ڈھک گئی اور ہزاروں ڈالر کا نقصان ہوا۔
انکا کہنا تھا کہ چھتوں، دیواروں سمیت ہر جگہ پانی ہے۔ اب سب کچھ ہٹا کر خشک کیا جائے گا اور انشورنس کی رقم کے مطابق دوبارہ تعمیر ہوگا، جبکہ اس غلطی پر کرایہ دار کو مکان سے نکال دیا گیا۔
