فرمان الہی
نماز کے اوقات
افغان مہاجرین یورپ کے لیے سیکیورٹی رسک بننے لگے جس پر سوئیڈن نے یورپی ممالک سے سخت ایکشن لینے کا مطالبہ کردیا ہے۔
جرمنی، ایران اور ترکیہ کے بعد سوئیڈن نے بھی افغان مہاجرین کو ملک چھوڑنے کا الٹی میٹم جاری کردیا۔ سوئیڈن نے یورپی یونین سے افغان مہاجرین کے لیے دستاویزات کا مشترکہ نظام مانگ لیا ہے۔
سوئیڈش وزیر برائے امیگریشن کا کہنا ہے کہ جرائم پیشہ افغان مہاجرین کو یورپ میں رہنے کی اجازت نہیں دی جاسکتی، جرائم میں ملوث افغان مہاجرین ہماری سوسائٹی کا ہر گز حصہ نہیں بن سکتے۔
ان کا کہنا ہے کہ جرائم میں ملوث افغان مہاجرین کو ہر قیمت پر ملک بدر کیا جائے گا، جرائم پیشہ اور غیر قانونی افغان مہاجرین کی فوری ملک بدری پر تمام یورپی ممالک بھی متفق ہیں۔
سوئیڈش وزیر نے یورپی ممالک کو افغان مہاجرین کو ایک جگہ جمع کر کے چارٹر فلائٹس کے ذریعے ملک بدر کرنے کی تجویز بھی دی ہے۔
ان کا کہنا ہے کہ سوئیڈن میں پناہ کی اجازت نہ ملنے والے افغان مہاجرین کو فوری واپس نہ بھیجا گیا تو عوامی اعتماد ختم ہو جائے گا۔
