فرمان الہی
نماز کے اوقات
انڈونیشیا میں دنیا کا سب سے طویل جنگلی سانپ ملا ہے، جس کی گنیز بک آف ورلڈ ریکارڈ نے بھی تصدیق کی ہے۔
میڈیا رپورٹ کے مطابق انڈونیشیا کے علاقے ماروس میں ملنے والا بہت بڑا ریٹی کیولیٹڈ پائتھون باضابطہ طور پر ناپے جانے کے بعد دنیا کا سب سے طویل جنگلی سانپ قرار پایا ہے۔
ریکارڈ محفوظ کرنے والے ادارے کے مطابق شواہد کا جائزہ لینے کے بعد اس بات کی تصدیق کی گئی کہ یہ مادہ سانپ لمبائی میں 23 فٹ 8 انچ ہے۔
یہ سانپ اس وقت ماہر تحفظ فطرت بوڈی پوروانتو، لائسنس یافتہ سانپ پکڑنے والے دیاز نوگراہا اور قدرتی تاریخ کے فوٹوگرافر رادو فرینتیو کی نگرانی میں ہے۔
نوگراہا اور فرینتیو کا کہنا ہے کہ انہوں نے اس غیر معمولی طور پر لمبے سانپ کی تلاش اس کی موجودگی سے متعلق خبریں سننے کے بعد شروع کی۔
انہوں نے اس سانپ کا نام ایبو بارون رکھا، جس کا مطلب ہے ’’بارونیس‘‘، عام طور پر ریٹیکیولیٹڈ پائتھون کی بالغ لمبائی 9 فٹ 10 انچ سے لے کر 19 فٹ 2 انچ تک ہوتی ہے۔
