• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پارلیمنٹ کا مشترکہ اجلاس 2 مارچ کو‘ صدر خطاب کریں گے

آج کا اخبار
اہم خبریں
16 فروری ، 2026
اسلام آباد(صالح ظافر)وفاقی حکومت نے پارلیمنٹ کا مشترکہ اجلاس پیر2مارچ کی صبح 11 بجے طلب کرنے کا فیصلہ کیا ہے‘یہ تیسرے پارلیمانی سال کا آغاز ہوگا۔ صدر مملکت آصف علی زرداری اس مشترکہ اجلاس سے خطاب کریں گے۔ذرائع نے اشارہ دیا ہے کہ پی ٹی آئی اور اپوزیشن جماعتوں نے مطالبات پورے نہ ہونے کی صورت میں پارلیمنٹ کے مشترکہ اجلاس میں خلل ڈالنے کی دھمکی دی ہے۔ یہ موجودہ پارلیمنٹ کے سامنے صدر آصف زرداری کا تیسرا سالانہ خطاب ہوگا جبکہ مجموعی طور پر یہ ان کا آٹھواں سالانہ خطاب ہوگا۔ وہ 2009 کی قومی اسمبلی میں پانچ بار اسی طرح کا خطاب کر چکے ہیں۔ صدر اپنے خطاب میں حکومت کی گزشتہ سال کی کارکردگی پر روشنی ڈالیں گے اور اگلے سال کے لیے حکومتی منصوبوں کو اجاگر کریں گے۔ وزیر اعظم آفس نے مختلف وزارتوں سے ان کی گزشتہ سال کی کارکردگی اور آئندہ سال کے منصوبوں کے بارے میں تفصیلات طلب کر لی ہیں۔
اہم خبریں سے مزید