• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اورنگی ٹاؤن میں مبینہ طور پر مفت کباب اور مچھلی کھانا پولیس اہلکار کو مہنگا پڑگیا

آج کا اخبار
اہم خبریں
16 فروری ، 2026
کراچی (اسٹاف رپورٹر )اورنگی ٹاؤن میں مبینہ طور پر مفت کباب اور مچھلی کھانا پولیس اہلکار کو مہنگا پڑگیا، پولیس نے مچھلی فروش کی مدعیت میں مقدمہ درج کرکے اہلکار سمیت تین افراد کو گرفتار کرلیا جبکہ دو ملزمان فرار ہوگئے۔ تفصیلات کے مطابق پاکستان بازار تھانہ کی حدود اورنگی ٹاؤن سیکٹر 14 اکبر شہید چوک پر واقع مچھلی کی دکان پر مبینہ طور پر نشے میں دھت ایک پولیس اہلکار اپنے ساتھیوں کے ہمراہ پہنچا اور کباب و مچھلی فرائی کا آرڈر دیا۔ کھانا کھانے کے بعد جب دکاندار کے بھائی نے رقم کا تقاضا کیا تو ملزم تنزیل نے اپنے ساتھیوں کے ساتھ مل کر اسے اسلحے کے زور پر تشدد کا نشانہ بنایا اور دکان میں توڑ پھوڑ بھی کی۔ اطلاع ملنے پر پولیس موقع پر پہنچی اور پولیس اہلکار تنزیل سمیت کامران اور حماد کو گرفتار کرلیا جبکہ ان کے دو ساتھی فرار ہوگئے۔ ملزمان کے قبضے سے نائن ایم ایم پستول بھی برآمد کرلیا گیا۔
اہم خبریں سے مزید