فرمان الہی
نماز کے اوقات
بھارتی دارالحکومت دہلی کی پولیس نے ایک 22 سالہ نوجوان کو مصروف شاہراہ پر خطرناک بائیک اسٹنٹ کرنے اور سوشل میڈیا کے لیے ریلز بنانے کے دوران عوامی سلامتی کو خطرے میں ڈالنے کے الزام میں گرفتار کر لیا۔
بھارتی میڈیا کے مطابق ملزم کی شناخت تشار پونیا کے نام سے ہوئی ہے جس کی 16 فروری کو سوشل میڈیا پر ایک ویڈیو وائرل ہوئی تھی۔
ویڈیو میں یہ نوجوان بغیر رجسٹریشن نمبر پلیٹ کے موٹر سائیکل چلاتے اور چلتی گاڑیوں اور بسوں کے دروازے کھولتا ہوا نظر آیا تھا۔
پولیس نے ویڈیو کا نوٹس لیتے ہوئے نوجوان کے خلاف مقدمہ درج کیا اور تفتیش شروع کر دی، سی سی ٹی وی فوٹیج اور وائرل ویڈیو کے تجزیے کے بعد ملزم کو ٹریس کر کے گرفتار کر لیا گیا۔
واردات میں استعمال ہونے والی موٹر سائیکل بھی برآمد کر لی گئی ہے۔
پولیس کا کہنا ہے کہ ملزم نے شناخت سے بچنے کے لیے جان بوجھ کر موٹر سائیکل کی نمبر پلیٹ ہٹا رکھی تھی۔
بھارتی میڈیا کے مطابق سی سی ٹی وی فوٹیجز میں نوجوان کو ٹریفک کے درمیان خطرناک انداز میں بائیک چلاتے اور گاڑیوں کے دروازے اچانک کھولتے دیکھا گیا تھا جس سے ناصرف اس کی بلکہ دیگر مسافروں کی جان کو بھی شدید خطرہ لاحق تھا۔
