فرمان الہی
نماز کے اوقات
اطالوی پائلٹ پہلی بار چلتی ہوئی ریل گاڑی پر طیارہ اتارنے میں کامیاب ہوگیا۔
ڈاریو کوسٹا نامی اس پائلٹ نے حال ہی میں ہوا بازی کی تاریخ رقم کی جب اور پہلا پائلٹ بن گیا جس نے چلتی ہوئی ریل گاڑی پر طیارہ اتارا اور پھر دوبارہ اڑان بھری۔
کسی بھی جہاز کو لینڈ کرنا ہمیشہ ایک چیلنج ہوتا ہے، لیکن تصور کریں کہ آپ کو ایک چھوٹے اور حرکت کرتے ہوئے رن وے پر لینڈنگ کرنا ہو جسے آپ جہاز سے دیکھ نہیں سکتے۔
یہ وہ کیفیت ہے جس میں اطالوی پائلٹ ڈاریو کوسٹا نے اپنے زیوکو ایج 540 جہاز کو ایک حرکت کرتے ہوئی ٹرین کے آخری ڈبے پر لینڈ کرنے کا جرات مندانہ کارنامہ انجام دیا۔
بعدازاں گفتگو کرتے ہوئے کوسٹا نے کہا کہ ٹرین پر لینڈنگ میرے کیریئر کے سب سے مشکل پروجیکٹس میں سے ایک تھا، اس میں سب سے بڑا امتحان یہ تھا کہ ایک بہت چھوٹے اور حرکت کرتے ہوئے رن وے پر اندھے کی طرح لینڈ کرنا سیکھنا تھا اور ایسا صرف ذہنی اور پرواز کی مہارتوں پر انحصار کرتے ہوئے کرنا تھا۔
واضح رہے کہ کوسٹا اور انکی ٹیم اس قسم کی لینڈنگ کی تیاری اور ٹیسٹ 2024 سے کر رہی تھی۔ اسکی وجہ یہ ہے کہ حرکت کرتی ہوئی ٹرین پر ریہرسیل ناممکن تھی، لہٰذا اسکی کامیابی کے لیے ایڈوانسڈ سیمولیشن ٹیکنالوجیز اور کنٹرول گراؤنڈ بیسڈ ریہرسیل بہت اہم تھی۔
