فرمان الہی
نماز کے اوقات
کراچی میں 24 گھنٹوں کے دوران وقفے وقفے سے تیز ہوائیں چلنے کا امکان ہے۔
محکمۂ موسمیات کے مطابق شہرِ قائد میں آئندہ 24 گھنٹوں کے دوران موسم خشک رہنے کا امکان ہے۔
شہر میں زیادہ سے زیادہ درجۂ حرارت 30 سے 32 ڈگری سینٹی گریڈ تک رہے گا۔
گزشتہ رات شہر کا کم سے کم درجۂ حرارت 20 ڈگری سینٹی گریڈ ریکارڈ ہوا۔
شہر میں شمال مشرق سے ہوائیں 20 کلو میٹر فی گھنٹہ کی رفتار سے چل رہی ہیں جن میں نمی کا تناسب 51 فیصد ہے۔
بلوچستان کے دارالحکومت کوئٹہ اور گرد و نواح میں موسم سرد ہے۔
کوئٹہ میں کم سے کم درجۂ حرارت 4 ڈگری سینٹی گریڈ ریکارڈ کیا گیا ہے۔
محکمۂ موسمیات کے مطابق آج صوبہ بلوچستان کے شمالی اضلاع میں موسم سرد اور خشک ہے، جنوبی اضلاع میں موسم خشک اور معتدل ہے جبکہ صوبے کے اکثر اضلاع میں آج موسم خشک رہنے کا امکان ہے۔
بلوچستان کے شمالی اضلاع میں صبح اور رات کے وقت موسم سرد رہنے کا امکان ہے۔
