فرمان الہی
نماز کے اوقات
مشرقِ وسطیٰ میں جاری جنگ کے دوران ایران نے خلیج میں امریکی فوجی تنصیبات کو نشانہ بنانے کا دعویٰ کیا ہے۔
عرب میڈیا کے مطابق ایرانی فوج کا کہنا ہے کہ تازہ حملوں میں کویت میں موجود امریکی فوجی اڈوں کو نشانہ بنایا گیا۔
ایران کا کہنا ہے کہ گزشتہ چند گھنٹوں کے دوران زمینی افواج کے مختلف اقسام کے تباہ کن ڈرونز نے کویت میں موجود امریکی فوجی اڈوں کو بڑی تعداد میں نشانہ بنایا ہے۔
ایرانی فوج نے خبردار کیا ہے کہ یہ کارروائیاں ابھی ختم نہیں ہوئیں اور آنے والے چند گھنٹوں میں مزید حملے کیے جائیں گے۔
خیال رہے کہ امریکا اور اسرائیل کے ایران پر حملوں کے بعد جنگ ساتویں روز میں داخل ہوگئی ہے ، ایران میں امریکا اسرائیل جنگ میں اب تک شہداء کی تعداد 1ہزار 332 ہوگئی۔
ایرانی میڈیا کے مطابق ایرانی شہر شیراز میں امریکا اسرائیل حملے میں20 افراد شہید ہوگئے، حملےمیں شیراز کے رہائشی علاقےکو نشانہ بنایا گیا۔
اسرائیلی فوج نے دعویٰ کیا ہے رات بھر میں 6ایرانی بیسلٹک میزائل لانچرز تباہ کر دیے، حالیہ حملوں میں 3 ایرانی ایڈوانس ڈیفنس سسٹمز بھی تباہ کردیے گئے۔
ایرانی پاسداران انقلاب گارڈز نے بھی اصفہان میں اسرائیلی ڈرون ہیرون، مار گرانے کا دعویٰ کیا ہے۔ لورستان میں امریکی ڈرون ایم کیو9 اور تہران کے نواح میں ہرمس ڈرون تباہ کرنے کا بھی دعویٰ کیا گیا ہے۔
