فرمان الہی
نماز کے اوقات
اسلحہ کے زور پر شہری سے لوٹ مار کرنے والے ملزمان کو تین، تین سال قید کی سزا سنا دی گئی۔
ڈسٹرکٹ و سیشن عدالت ضلع کراچی جنوبی میں گزری میں گھر میں ڈکیتی کے مقدمے کی سماعت ہوئی، جرم ثابت ہونے پر عدالت نے موبائل فون اور زیورات لوٹنے والے دونوں ملزمان کو تین تین سال قید کی سزا سنا دی۔
عدالت نے ملزمان پر فی کس 20 ہزار روپے جرمانہ بھی عائد کیا جبکہ ایک ملزم کو غیر قانونی اسلحہ رکھنے پر مزید دو سال قید کی سزا سنائی۔
وکیل سرکار نے کہا کہ 24 مئی 2025 کو گزری میں شہری کے گھر ڈکیتی کی واردات ہوئی تھی، ملزمان نے اسلحے کے زور پر موبائل فون، زیورات اور نقدی لوٹ لی تھی۔
وکیل سرکار کے مطابق شہری کی اطلاع پر پولیس نے فوری کارروائی کرتے ہوئے ملزمان کو گرفتار کیا۔
عدالت نے کہا کہ گواہوں کے بیانات اور شواہد سے جرم ثابت ہوگیا، معمولی تضادات سے استغاثہ کے مؤقف پر فرق نہیں پڑتا۔
عدالت نے مزید کہا کہ برآمد شدہ موبائل فون اور زیورات مدعی کو واپس کیے جائیں۔
