فرمان الہی
نماز کے اوقات
اسرائیلی میڈیا نے دعویٰ کیا ہے کہ اسرائیلی فوج نے ایرانی سیکیورٹی چیف علی لاریجانی کو نشانہ بنایا ہے۔
رپورٹس کے مطابق فی الحال یہ واضح نہیں کہ علی لاریجانی اس حملے میں شہید ہوئے ہیں یا زخمی۔
اسرائیلی وزیردفاع کا کہنا ہے کہ ایران کے سیکیورٹی چیف علی لاریجانی کو ختم کردیا ہے، ان کو کل رات کے حملوں میں نشانہ بنایا۔
خبر ایجنسی کے مطابق ایران کی جانب سے علی لاریجانی کی شہادت کی تصدیق نہیں کی گئی ہے۔
ایرانی سرکاری میڈیا نے سیکیورٹی چیف علی لاریجانی کا ہاتھ سے لکھا ہوا پیغام جاری کردیا۔
ایران کے دارالحکومت تہران میں زور دار دھماکوں کی آوازیں سنی گئی ہیں۔
غیر ملکی خبر ایجنسیوں کے مطابق دھماکے شہر کے مرکزی علاقوں میں محسوس کیے گئے، تاہم ابھی یہ واضح نہیں کہ کن مخصوص مقامات کو نشانہ بنایا گیا۔
اس واقعے نے خطے میں کشیدگی کو مزید بڑھا دیا ہے، جبکہ تہران میں شہریوں اور سیکیورٹی اداروں کے درمیان بھی ہلچل جاری ہے۔
