فرمان الہی
نماز کے اوقات
چین کے پہاڑی شہر چونگ چنگ میں دنیا کا سب سے طویل آؤٹ ڈور ایسکیلیٹر عوام کے لیے کھول دیا گیا۔
چینی میڈیا کی رپورٹ کے مطابق 905 میٹر طویل ’ووشان گاڈیس ایسکیلیٹر‘ کے نام سے مشہور یہ منفرد اور دلچسپ تعمیر ووشان ضلع کے وسط سے گزرتی ہے۔
رپورٹ میں بتایا گیا ہے کہ یہ ایسکیلیٹر 800 فٹ سے زیادہ اوپر چڑھتا ہے اور تقریباً 1 کلو میٹر کا سفر طے کرتا ہے۔
رپورٹ کے مطابق اس کی 8 لفٹیں ہیں، یہ ایسکیلیٹر ایک مکمل ٹرانزٹ سسٹم کی طرح لگتا ہے۔
رپورٹ میں بتایا گیا ہے کہ یہ چین میں تعمیر کیا گیا پہلا منفرد شاہکار نہیں ہے بلکہ اس سے پہلے بھی ملک میں ایسے کئی شاہکار موجود ہیں، چین سیاحوں کے لیے قدرتی مقامات کی سیاحت کو آسان بنانے کے لیے اس طرح کے مختلف اقدامات کر رہا ہے۔
چین میں بنائے گئے دنیا کے سب سے طویل آؤٹ ڈور ایسکیلیٹر کی ویڈیو سوشل میڈیا پر وائرل ہے اور صارفین کی جانب سے اس پر دلچسپ تبصرے بھی کیے جا رہے ہیں۔
