فرمان الہی
نماز کے اوقات
بھارت کے ایک کارپینٹر کا 45 منٹ کا معاوضہ جان کر سوشل میڈیا صارفین دنگ رہ گئے۔
سوشل میڈیا ویب سائٹ ایکس پر ایک بھارتی صارف نے انکشاف کیا ہے کہ اس نے صرف 45 منٹ کے کام کے لیے کارپینٹر کو 900 روپے ادا کیے۔
صارف کے اس انکشاف نے سوشل میڈیا صارفین کو حیران کر دیا اور سوشل میڈیا پر ایک نئی بحث کا آغاز ہوگیا۔
جیسے ہی صارف کی یہ پوسٹ سوشل میڈیا پر وائرل ہوئی صارفین نے اس حوالے سے اپنے ردعمل کا اظہار کرنا شروع کر دیا۔
کچھ صارفین کا کہنا ہے کہ اس طرح کے ہنر مند لوگ اکثر مسابقتی اجرت حاصل کرتے ہیں اور اس طرح کے کام کرنے والوں کی نوکریوں کو مستقبل میں اے آئی ٹیکنالوجی کی ترقی سے بھی کوئی خطرہ نہیں ہے۔
کچھ سوشل میڈیا صارفین تو کارپینٹر کا معاوضہ جاننے کے بعد یونیورسٹیز سے مہنگی ڈگریاں حاصل کرنے کے بجائے ہنر پر مبنی تربیت کو ترجیح دینے کا مشورہ دیتے بھی نظر آئے۔
ایک صارف نے انکشاف کیا کہ بنگلور میں کسی بھی الیکٹریشن، کارپینٹر یا پلمبر کا صرف 1یا 2 گھنٹے کے کام کے لیے 1 ہزار سے 2 ہزار معاوضہ مانگنا عام سی بات ہے۔
