گجرات (نمائندہ جنگ) ڈکیتی وچوری کی 8مختلف وارداتوں میں کار، 3موٹرسائیکلیں، ملکی وغیر ملکی کرنسی، زیورات، گھریلو اور تعمیراتی سامان لوٹ لیا گیا، کنجاہ کے علاقہ منگوال سے نبیل عرف بلو وغیرہ 2 افراد سید افتخار حسین شاہ سے اس کی موٹر سائیکل ، نقدی اور موبائل فونز وغیرہ لوٹ کر لے گئے، کنجاہ ہی کے گاؤں خانوالی سے رب نواز وغیرہ 4افراد اعجاز احمد کے گھر سے نقدی، زیورات اور موبائل فونز وغیرہ، صدرکھاریاں کے علاقہ سے چور فرانس پلٹ چوہدری مظہر اقبال کے گھر کے تالے توڑ کر 6ہزارروپے یورو، 60ہزارروپے، طلائی زیورات اور گھریلو سامان وغیرہ، صدرکھاریاں ہی کے علاقہ سے محمد اختر وغیرہ ریٹائرڈ پولیس کانسٹیبل سعیداحمد کے گھر سے اس کی کار ، سول لائن گجرات کے علاقہ شاہین چوک کے قریب سے چور قیصر اعجاز ملہی کی موٹر سائیکل، شادمان کالونی سے چور حماد ساجد کی موٹرسائیکل،سردار کالونی سے نصیر حسین شاہ وغیرہ وقار حسین کے زیر تعمیر مکان سے سمینٹ اور سریا وغیرہ جبکہ سٹی لالہ موسیٰ کے علاقہ دینہ چکیاں بازار سے چور ذیشان علی کے گھر سے 7تولے طلائی زیورات، نقدی 55ہزارروپے اور موبائل فون وغیرہ چوری کرکے لے گئے، پولیس نے مقدمات درج کرلیے۔
فرمان الہی
نماز کے اوقات
