فرمان الہی
نماز کے اوقات
شکاگو: امریکی ریاست الینوائے کی یونیورسٹی اربانا-شیمپین میں ایک گائے ٹریلر سے نکل کر کیمپس اور قریب واقع قبرستان میں جا پہنچی۔
یونیورسٹی کے ترجمان پیٹرک ویڈ کے مطابق یہ واقعہ بدھ کی سہ پہر پیش آیا جب گائے کو ویٹرنری میڈیسن کالج کے بڑے جانوروں کے کلینک میں اتارا جا رہا تھا۔
گائے تقریباً ڈھائی گھنٹے تک کیمپس میں گھومتی رہی اور آخرکار فولینگر آڈیٹوریم کے قریب قابو میں آئی۔
ویڈ نے بتایا کہ شام 6 بجے تک گائے کو محفوظ طریقے سے پکڑ لیا گیا اور ویٹرنری ڈاکٹروں نے اس کا معائنہ کیا۔
انہوں نے کہا، ’اسے معمولی زخم آئے ہیں لیکن مزید علاج کی ضرورت نہیں۔ ہماری ترجیح ہمیشہ جانوروں کی فلاح اور انسانی سلوک ہے۔‘
اس واقعے میں کسی شخص کو سنگین نوعیت کا نقصان نہیں پہنچا۔
