فرمان الہی
نماز کے اوقات
ایران نے جنگ کے مستقل خاتمے کےلیے پاکستان کو تجویز پیش کردی۔
ایرانی نائب وزیر خارجہ برائے قانونی و بین الاقوامی امور کاظم غریب آبادی نے کہا ہے کہ ایران نے جاری تنازع کے مستقل حل کے لیے اپنی تجاویز پاکستان کو بطور ثالث پیش کر دی ہیں، اب فیصلہ امریکا کو کرنا ہے کہ وہ سفارت کاری کا راستہ اختیار کرتا ہے یا محاذ آرائی جاری رکھتا ہے۔
ایران کے سرکاری میڈیا کے مطابق تہران میں تعینات سفیروں اور غیر ملکی سفارتی مشنز کے سربراہان کے اجلاس سے خطاب میں کاظم غریب آبادی نے کہا کہ ایران کسی بھی جارحیت کا بھرپور جواب دینے کے لیے مکمل طور پر تیار ہے، تاہم وہ مسائل کے حل کے لیے مفادات پر مبنی سفارت کاری پر یقین رکھتا ہے۔
انہوں نے کہا کہ ایران نے ہمیشہ کشیدگی کے خاتمے کے لیے اپنا کردار ادا کیا ہے، ایران دونوں راستوں کے لیے تیار ہے تاکہ اپنے قومی مفادات اور سلامتی کو یقینی بنایا جا سکے، تاہم وہ امریکا پر عدم اعتماد اور بدگمانی کو برقرار رکھے گا۔
واضح رہے کہ امریکا اور اسرائیل کی جانب سے 28 فروری کو ایران پر حملوں کے بعد شروع کی گئی جنگ 8 اپریل سے تعطل کا شکار ہے جبکہ پاکستان کی ثالثی میں ایک مذاکرات کا دور ہو چکا ہے۔
