فرمان الہی
نماز کے اوقات
آج کے جدید دور میں تقریباََ سب نے ہی کبھی نہ کبھی تو ایسکیلیٹر پر سفر کیا ہو گا لیکن کبھی آپ کے ذہن میں یہ سوال آیا کہ ایسکیلیٹر کی سیڑھیوں پر لائنز کیوں ہوتی ہیں؟
ایسکیلیٹر دنیا کے کسی بھی ملک میں موجود ہو، اس پر عجیب سی لائنز لازمی ہوتی ہیں، ان لائنز کی وجہ سے یہ سیڑھیاں بالکل مختلف نظر آتی ہیں اور ان لائنز کی موجودگی کی کچھ اہم وجوہات ہیں۔
وہ اہم وجہ یہ ہے کہ موسمِ خزاں اور سرما کے دوران ایسکیلیٹر کی سیڑھیاں بہت زیادہ گیلی ہوجاتی ہیں اور ایسی صورت میں اگر یہ سیڑھیاں ہموار ہوں تو نتیجے میں پھسلنے کا خطرہ ہو گا۔
اس لیے مسافروں کو پھسل کر زخمی ہونے سے بچانے کے لیے ایسکیلیٹر کی سیڑھیوں پر یہ لائنز موجود ہوتی ہیں، لائنز کی موجودگی کی وجہ سے مسافروں کے جوتے سیڑھیوں پر پھسلتے نہیں، ان کی سیڑھیوں پر گرفت مضبوط ہوتی ہے۔
ایسکیلیٹر کی سیڑھیوں پر لائنز کی ایک اور وجہ یہ بھی ہے کہ سفر کے دوران اکثر ہلکا پھلکا کچرا جیسے کہ ریپرز سیڑھیوں پر گرجاتے ہیں، تو اگر یہ سیڑھیاں ہموار ہوں کی تو یہ کچرا ایسکیلیٹر کے اندر پہنچ کر اس کو نقصان پہنچا سکتا ہے۔
