فرمان الہی
نماز کے اوقات
خودکش دہشت گرد کو روک کر قیمتی جانیں بچانے والے لیاقت علی شہید کی قربانی کا قومی سطح پر اعتراف کیا گیا ہے۔
وزیراعظم آفس کے اعلامیہ کے مطابق وزیراعظم شہباز شریف کی سفارش پر صدر پاکستان آصف علی زرداری نے بہادر شہری لیاقت علی کو ستارہ شجاعت دیا، جو کی والدہ نے وصول کیا۔
وزیراعظم کا کہنا تھا کہ شہید لیاقت علی نے ہمت و بہادری کی ایسی مثال قائم کی جو رہتی دنیا تک یاد رکھی جائے گی۔
انہوں نے کہا کہ دہشتگردی کیخلاف جنگ میں سکیورٹی فورسز اور عوام نے ہزاروں جانوں کی قربانیاں دیں، پاکستانی قوم اپنے شہدا کی قربانیاں کبھی فراموش نہیں کرسکتی۔
وزیراعظم نے کہا کہ دہشتگردوں کے ناپاک عزائم سے ارض وطن کی حفاظت کیلئے ملک کا ہر شہری سیسہ پلائی دیوار ہے، شہری آبادیوں اور معصوم نہتے لوگوں کو نشانہ بنانے والے دہشتگرد پاکستانی قوم کے حوصلے پست نہیں کرسکتے۔
انہوں نے کہا کہ مجھ سمیت پوری قوم شہید لیاقت علی اور ان کے اہلخانہ کو بھرپور خراج تحسین پیش کرتی ہے۔
