فرمان الہی
نماز کے اوقات
بادشاہ چارلس نے برطانوی پارلیمنٹ سے خطاب کرتے ہوئے حکومتی ایجنڈا پیش کیا، اور مشرق وسطیٰ میں امن کے لیے کوششیں جاری رکھنے اور نیٹو کے ساتھ وابستگی برقرار رکھنے کا اعلان کردیا۔
برطانوی پارلیمنٹ سے خطاب کرتے ہوئے شاہ چارلس نے کہا کہ یوکرین اور مشرق وسطیٰ میں طویل مدتی امن کی حمایت جاری رکھیں گے۔
ان کا کہنا تھا کہ امن کی حمایت میں اسرائیل اور فلسطین دو ریاستی حل بھی شامل ہے۔
شاہ چارلس نے کہا کہ یورپی یونین کے ساتھ تعلقات کو حکومت مضبوط بنائے گی، نیٹو اور نیٹو اتحادیوں کے ساتھ ناقابل شکست وابستگی برقرار رکھے گی۔
ان کا کہنا تھا کہ حکومت پولیس، این ایچ ایس اور کرمنل سسٹم میں اصلاحات کرے گی۔
شاہ چارلس نے مزید کہا کہ نئی قانون سازی سے امیگریشن اور پناہ گزینوں کے سسٹم پر اعتماد بڑھے گا۔
