• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
22 جون ، 2026

بھنگڑے

گلی میں ڈھول بجنے کی آواز گونج رہی تھی۔

میں گھر سے نکلا تو دیکھا، رش لگا ہوا ہے۔

کچھ لوگ ناچ رہے تھے۔

بچے تالیاں پیٹ رہے تھے۔

مجھے زیادہ حیرت اس بات پر ہوئی کہ

یہ سب کچھ ڈوڈو کے گھر پر ہورہا تھا۔

یہ کیا تماشا ہے، میں نے اس سے پوچھا۔

بینک نے میرا لون منظور کرلیا ہے،

ڈوڈو نے مسکراتے ہوئے بتایا۔

لیکن اس پر بھنگڑے ڈالنے کی کیا ضرورت ہے؟

میں حیران رہ گیا۔

ڈوڈو نے کہا، میں حکومت کا پیروکار ہوں۔

حکومت بھی آئی ایم ایف سے قرضہ ملنے پر بھنگڑے ڈالتی ہے۔

تازہ ترین