فرمان الہی
نماز کے اوقات
گزشتہ ہفتے سفوک میں منعقد ہونے والے ایک بڑے اسلامی اجتماع، جس میں تقریباً پندرہ ہزار افراد شریک تھے، اس پر مبینہ طور پر انتہائی دائیں بازو سے تعلق رکھنے والے عناصر کے حملے کی سازش کی اطلاع ملنے پر کاؤنٹر ٹیررازم پولیس نے فوری اور مؤثر کارروائی کی۔
پولیس نے مختلف مقامات پر چھاپے مار کر 13 افراد کو گرفتار کر لیا، بعدازاں پوچھ گچھ کے بعد 12 افراد کو رہا کر دیا گیا، جبکہ ایک 42 سالہ شخص پر مختلف الزامات کے تحت ایک علیحدہ مقدمے میں فردِ جرم عائد کر دی گئی۔
مبینہ سازش کی اطلاع ملتے ہی پولیس نے اسلامی اجتماع کے مقام اور اس کے اطراف کے علاقے کو مکمل طور پر گھیرے میں لے لیا۔
شرکاء کی حفاظت کو یقینی بنانے کے لیے اجتماع کو مقررہ وقت سے ایک دن پہلے ہی اختتام پذیر کر دیا گیا۔
مسلم رہنماؤں نے اس مبینہ منصوبے کو ناکام بنانے پر پولیس اور کاؤنٹر ٹیررازم یونٹ کی فوری اور بروقت کارروائی کو سراہتے ہوئے کہا ہے کہ اس اقدام سے کمیونٹی میں اعتماد پیدا ہوا ہے۔
