فرمان الہی
نماز کے اوقات
ٹوکیو پولیس نے مایو یوشیڈا نامی ایک 32 سالہ خاتون کو ایک مشہور آن لائن اسٹور سے بڑی مقدار میں سامان آرڈر کر کے مسلسل کینسل کرنے کے جرم میں گرفتار کر لیا۔
جاپانی میڈیا کے مطابق اس خاتون نے جعلی ناموں اور تقریباً 230 فرضی اکاؤنٹس کا استعمال کرتے ہوئے جاپان کی معروف اینیمے کمپنی 'شوئیشا' کے آن لائن اسٹور پر 2 ہزار سے زائد جعلی آرڈرز دیے۔
خاتون نے 'ناروٹو' اور 'ون پیس' جیسے مشہور اینیمے کارٹونز کے کھلونوں اور مصنوعات کے تقریباً 4.3 بلین ین (تقریباً 2.7 ملین ڈالر / 75 کروڑ سے زائد پاکستانی روپے) مالیت کے آرڈرز دیے۔
خاتون تمام آرڈرز کی پیمنٹ کا طریقہ 'کیش آن ڈیلیوری' منتخب کرتی تھی اور جب ڈیلیوری کا سامان اس کے دروازے پر پہنچتا، تو وہ سامان لینے اور پیسے دینے سے صاف انکار کر دیتی، یا پھر کبھی کبھار سامان ڈسپیچ ہونے سے پہلے ہی آرڈر کینسل کر دیتی۔
اس عجیب و غریب عمل کی وجہ سے کمپنی کو ڈیلیوری اور کورئیر کے اخراجات کی مد میں 47 ہزار 500 ڈالر کا بھاری نقصان برداشت کرنا پڑا۔
