ملتان (سٹاف رپورٹر) ڈپٹی ڈائریکٹر الیکشن کمیشن اسلام آباد کاشف ملک نے گذشتہ روز ملتان اور خانیوال میں مصروف دن گزارا انہوں نے ووٹر لسٹوں کی اپ گریڈیشن کے عمل کی مانیٹرنگ کی ، اس موقع پر الیکشن کمشنر ملتان احمد علی ہالپتوہ اور ڈسٹرکٹ الیکشن کمشنر خانیوال بھی موجود تھے ، اس ضمن میں الیکشن کمیشن کے اعلیٰ فسران نے ووٹوں کی تصدیق کے عمل میں حصہ لینے والے افسران و عملے سے ملاقات کی اور گھر گھر جاری مہم کے معاملات پر تفصیلی گفتگو کی ، انہوں نے عملے کو جانفشانی سے کام کرنے کی ہدایت کی، علاوہ ازیں ڈپٹی ڈائریکٹر آج ضلع لودھراں اور وہاڑی میں ڈور ٹو ڈور مہم کے عمل کا جائزہ لیں گے، مزید براں ڈپٹی ڈائریکٹر کاشف ملک نے یکم ستمبر کو ہونے والے مخصوص نشستوں کے انتخابات کے سلسلے میں ریٹرنگ افسروں سے بھی ملاقات کی اور مختلف امور پر تبادلہ خیال کیا۔
فرمان الہی
نماز کے اوقات
