کراچی (اسٹاف رپورٹر) پاکستان اسپورٹس ویلفیئر ایسوسی ایشن کے زیر اہتمام محکمہ کھیل حکومت سندھ کے تعاون سے منعقد ہونے والا یوم آزادی اسپورٹس فیسٹیول گرلز ٹیبل ٹینس ٹورنامنٹ کا سنگل اور ڈبل کا فائنل گورنمنٹ ویمنز کالج شاہراہ لیاقت نے جیتا۔ فائنل کی تقسیم انعامات کی مہمان خصوصی بیگم اسماء محمد علی شاہ تھیں ۔ اس موقع پر فیسٹیول کے چیف آرگنائزر غلام محمد خان، پرنسپل پروفیسر صفیہ موسوی، بشریٰ عمران، شاہین جعفری، فرحت جہاں، شہلا معید اور دیگر بھی موجود تھے۔ اسماء محمد علی شاہ نے اس موقع پر وزیر اعلیٰ سندھ سید مراد علی شاہ سے اپیل کی کہ شعبہ تعلیم سے منسلک کھلاڑیوں کو اسکالر شپ دیے جائیں۔ انہوں نے صوبائی وزیر کھیل سردار محمد بخش خان مہر اور سیکرٹری اسپورٹس محمد راشد کو کھیلوں کی سرپرستی کرنے پر خراج تحسین پیش کیا۔ آخر میں کھلاڑیوں میں ٹرافیاں، شرٹس، سرٹیفکیٹس محکمہ کھیل حکومت سندھ کی جانب سے تقسیم کیئے گئے۔ اسلامیہ گرلز کالج کی کھلاڑیوں کو فیئر پلیئر ٹرافی دی گئی ۔
فرمان الہی
نماز کے اوقات
