صوابی(نمائندہ جنگ) ضلع صوابی میں مختلف واقعات میں چار افراد جاں بحق جبکہ چار زخمی ہو گئے پولیس تھانہ صوابی کی رپورٹ کے مطابق صوابی جہانگیرہ روڈ پر کالا پل کے قریب دو موٹر سائیکلوں اور ٹریکٹر ٹرالی کے مابین تصادم کے نتیجے میں ایک بچہ عبدالباسط جاں بحق جب کہ دوسرا مسلم شاہ شدید زخمی ہو گیا۔ پولیس تھانہ زیدہ کی رپورٹ کے مطابق موضع گاڑ اکاخیل میں ٹریکٹر سے گر کر ٹائر کے نیچے آجانے سے یعقوب خان کا بیٹا دسویں جماعت کا طالب علم جاں بحق ہو گیا۔ دریں اثناء موضع ڈودھیر میں گھر کے اندر بجلی درست کر نے کے دوران کرنٹ لگنے سے چالیس سالہ سید نظر جاں بحق ہو گیا۔ جب کہ موٹر سائیکل اور ٹریکٹر ٹرالی کے مابین تصادم کے نتیجے میں صفدر خان سکنہ گلہ ہملٹ جاں بحق ہو گیا کرنل شیر کلے میں موٹر سائیکل کے مابین تصادم کے نتیجے میں تین افراد زخمی ہو گئے
فرمان الہی
نماز کے اوقات
