فرمان الہی
نماز کے اوقات
بھارتی دارالحکومت دہلی کے ضلع شاہدرہ کے علاقے کرشنا نگر میں 12ویں جماعت کی 17 سالہ طالبہ اسکول کے اندر جھلس کر ہلاک ہوگئی۔
بھارتی میڈیا کے مطابق طالبہ کی جلی ہوئی لاش ہائی اسکول کے سکیورٹی گارڈ کے کمرے کے پیچھے سے ملی۔ حکام کا کہنا ہے کہ طالبہ نے خود پر پیٹرول چھڑک کر آگ لگائی۔
پولیس کے مطابق واقعے کی وجوہات تاحال معلوم نہیں ہوسکیں۔ ابتدائی تحقیقات کے دوران طالبہ کے اسکول بیگ سے 3 صفحات پر مشتمل ایک تحریری نوٹ بھی ملا ہے۔
اساتذہ کے مطابق بیگ سے کچھ مشتبہ اشیا بھی برآمد ہوئی ہیں، تاہم ان کی نوعیت کی تصدیق نہیں ہوسکی، جبکہ واقعے کی مزید تحقیقات جاری ہیں۔
طالبہ کی بہن نے بتایا کہ اس نے اپنی بہن کو خوشی خوشی اور مسکراتے ہوئے اسکول جاتے دیکھا تھا۔ اس کا کہنا تھا کہ اسے معلوم نہیں کیا ہوا، اسکول انتظامیہ نے انہیں دوپہر تقریباً 1 بج کر 40 منٹ پر فون کرکے واقعے کی اطلاع دی۔
