راولپنڈی (نمائندہ جنگ ) پاکستان کرکٹ بورڈ کے زیر اہتمام قومی ٹی 20کرکٹ کپ کا باقاعدہ آغاز جمعرات سے راولپنڈی میں شروع ہوگا، کرکٹ کے بڑئے میلے کے کامیاب انعقاد کیلئے تمام تر انتظامات کو حتمی شکل دیدی گئی ہے ۔ 25اگست سے شروع ہونیوالے ملکی ڈومیسٹک کرکٹ کے سب سے بڑے میلے میں پاکستان کے ٹاپ کرکٹرز ایکشن میں نظر آئینگے۔ ایونٹ کا فائنل 16ستمبر کو ملتان میں کھیلا جائیگا ۔ انہوں نے بتایا کہ دو مرحلوں میں ہونیوالے ایونٹ کا پہلا مرحلہ 2ستمبر تک پنڈی کرکٹ اسٹیڈیم میں کھیلا جائیگا جس میں لاہوروائٹس، لاہور بلیوز، کراچی وائٹس ، کراچی بلیوز، پشاور، راولپنڈی ، فاٹا اور اسلام آباد کی ٹیمیں ایکشن میں نظر آئیں گی ۔ جمعرات سے شروع ہونیوالی چیمپین شپ کے پہلے روز دو میچز کھیلیں جائینگے ، پہلے میچ میں خالد لطیف کی قیادت میں کراچی بلیوزاوراکبر الرحمن کراچی کی قیادت میں کراچی وائٹس کی ٹیمیں ایکشن میں نظر آئیں گی جبکہ دوسرے میچ میں کامران اکمل کی لاہور وائٹس اور احمد شہزاد کی لاہور بلیوز کی ٹیمیں پنجہ آزمائی کریں گی۔
فرمان الہی
نماز کے اوقات
