اسلام ٓباد (جنگ نیوز) آل پاکستان اخبار فروش فیڈریشن کا چار روزہ اجلاس آج 29اگست سے مری میں شروع ہو گا۔ فیڈریشن کے سیکرٹری جنرل ٹکا خان کارکردگی رپورٹ پیش کرینگے‘ الیکشن بورڈ قائم اور الیکشن کا شیڈول بھی جاری کیا جائیگا۔ اس اجلاس کے سات سیشن ہونگے جن میں صدر اور کابینہ کے دیگر عہدیداران کا انتخاب کیا جائیگا۔ اجلاس میں اخبار فروش فیڈریشن کی 3سالہ کارکردگی کا جائزہ لیکر اخبار فروشوں‘ اخباری صنعت کو درپیش مسائل اور اخبارات کی سرکولیشن بڑھانے کے حوالے سے لائحہ عمل مرتب کیا جائیگا۔ مختلف سیشنز سے پنجاب کے وزیر محنت راجہ محمد اشفاق سرور‘ وفاقی وزیر پٹرولیم شاہد خاقان عباسی‘ حامد میر‘ مشاہد حسین سید اور دیگر دانشور خطاب کرینگے۔ آخری تقریب بھوربن میں ہو گی جہاں وفاقی وزیر اطلاعات و نشریات سنیٹر پرویز رشید مہمان خصوصی ہونگے اور نومنتخب عہدیداران سے حلف بھی لیں گے۔
فرمان الہی
نماز کے اوقات
