کوئٹہ (نمائندہ جنگ)گوادر میں ٹریفک حادثے اور جنریٹر کے دھویں سے دم گھٹنے کے باعث ایک بچے، تین خواتین سمیت 10افراد جاں بحق جبکہ 18افراد زخمی ہو گئے لیویز کے مطابق گزشتہ روزگوادر جانے والی مسافر کوچ تیز رفتاری کے باعث کوسٹل ہائی وے پر ٹرک سے ٹکرا گئی جس کے نتیجے میں2خواتین چھ مسافر موقع پر ہی جاں بحق جبکہ بچوں اور خواتین سمیت18مسافر زخمی ہو گئے واقعے کی اطلاع ملنے پر سیکورٹی فورسز، لیویزاور ریسکیو کی ٹیموں نے موقع پر پہنچ کر لاشوں اور زخمیو ں کو ہسپتال پہنچایاجہاں ضروری کاررائی کے بعد لاشیں ورثا کے حوالے کر دی گئیں کئی زخمیوں کی حالت تشویشناک بتائی جاتی ہے جبکہ گوادر کے علاقے چتکان میں ایک گھر میں بجلی کے جنریٹر کا دھواں بھر جانے سے ماں بیٹے سمیت چار افراد دم گھٹنے کے باعث جاں بحق ہو گئے واقعہ کی اطلاع ملنے پر لیویز نے موقع پر پہنچ کر لاشوں کو ہسپتال پہنچایا جہاں ضروری کارروائی کے بعد لاشیں ورثا کے حوالے کر دی گئیں۔
فرمان الہی
نماز کے اوقات
