کراچی ( اسٹاف رپورٹر) واپڈا نے اتوار کو کے پی ٹی اسپورٹس کمپلکس میں کھیلی جانے والی کے پی ٹی قومی خواتین والی بال چیمپن شپ جیت لی فاتح ٹیم نے فائنل میں ہائر ایجو کیشن کمیشن کو 25-15، 25-12 اور25-13 سے شکست دی۔و اپڈا کی جانب سے مدیحہ لطیف، سمیہ ، بسما، اسماء نے شاندار کھیل کا مظاہرہ کیا جبکہ ہائر ایجو کیشن کمیشن کی غزالہ، سعدیہ، رضیہ، ماریہ بھی نمایاں تھیں۔ پنجاب نے سندھ کو25-6، 25-16 اور25-8سے ہرا کر تیسری پوزیشن حاصل کی۔ تیسری پوزیشن کے میچ کے موقع پر ایس او اےکے سیکریٹری احمد علی راجپوت مہمانِ خصوصی تھے۔ تقریب تقسیم انعامات کے مہمانِ خصوصی پاکستان باکسنگ فیڈریشن کے صدردودا خان بھٹو تھے جن کو انجینئر شاہ نعیم ظفر ، آرگنائزنگ سیکریٹری شاہد مسعود نے گلدستہ اور اجرک کے تحائف پیش کئے ۔مہمان خصوصی میں بعد میں انعامات تقسیم کئے۔ اس موقع پر غلام محمد خان ، اصغر بلوچ اور دیگر آفیشلز موجود تھے۔
فرمان الہی
نماز کے اوقات
