اسلام آباد( اے ایف پی)گلگت بلتستان میں ’’اوگر ٹو‘‘ کو سر کرنے کی مہم کے دوران21اگست کو لاپتہ ہونے والے 2 امریکی کوہ پیمائوں کی ہیلی کاپٹر کے ذریعے تلاش کا عمل روک دیا گیا ہے۔کوہ پیمائی اور مہم جوئی سے متعلق پاکستان کے الپائن کلب کے ترجمان کرار حیدری نے اے ایف پی کو بتایاہے کہ اسکاٹ ایڈمسن اور کیل ڈیمپسٹر کی تلاش کےلیے جاری ہیلی کاپٹر سرچ آپریشن معطل کردیا گیا ہے تاہم اعلیٰ سطح پر ریسکیو آپریشن جاری ہے۔ نام ظاہر نہ کرنے کی شرط پر ایک افسر کا کہنا تھا کہ ہیلی کاپٹر ریسکیو آپریشن دوبارہ شروع کردیا جائےگا اگرمتعلقہ حکام سے اس بارے میں کہا جائے۔ واضح رہے کہ خراب موسم کی وجہ سے امریکی کوہ پیمائوں کی ہیلی کاپٹر کے ذریعے تلاش کا عمل تاخیر سے شروع کیا گیاتھا۔
فرمان الہی
نماز کے اوقات
