گھوٹکی(نامہ نگار)گھوٹکی کے مختلف تھانوں کی پولیس کا ڈاکوؤں کے خلاف آپریشن میں دو انعام یافتہ ڈاکوؤں سمیت 29 ڈاکوؤں کو گرفتار کرلیا گیا۔ ڈاکوؤں کے قبضے سے اسلحہ بھی برآمد ہوا ۔ تفصیلات کے مطابق ایس ایس پی گھوٹکی مسعود احمد بنگش نے تھانہ اے سیکشن گھوٹکی میں ڈی ایس پی گھوٹکی محمد ایوب مہر اور ایس ایچ او تھانہ اے سیکشن سیف اللہ بگھیو کے ہمراہ پریس کانفرنس کرتے ہوئے صحافیوں کو بتایا کہ گھوٹکی ضلع کے مختلف تھانوں کی پولیس نے ڈاکوؤں کے خلاف جاری آپریشن میں دو انعام یافتہ خطرناک ڈاکوؤں راحب شر اور ذوالفقار شر کو گرفتار کرلیا ہے جن پر پانچ لاکھ روپے انعام مقرر ہے جبکہ دیگر ڈاکوؤں میں حسن تڑت ، چنو شر ، عظیم شر ، علی حس ، شہزادو شر ، پہلوان شر ، وزیر رند ، مراد شر ، نادر شر اور دیگر شامل ہیں۔ ایس ایس پی کے مطابق گرفتار ڈاکوؤں کے قبضے سے بڑی تعداد میں اسلحہ برآمد ہوا ہے جس میں 6 کلاشنکوف ،6پستول ، ایک ریپیٹر اور 500 راؤنڈ شامل ہیں۔ انہوں نے کہا کہ جرائم پیشہ عناصر اور ڈاکوؤں کے خلاف آپریشن کو مزید تیز کردیا گیا ہے ضلع بھر میں امن و امان کو ہر صورت میں بحال رکھا جائیگا۔
فرمان الہی
نماز کے اوقات
