پشاور(لیڈی رپورٹر)پشاور سے تعلق کھنے والی پی ٹی وی اور ریڈیوپاکستان کی صدارتی ایوارڈ یافتہ فنکار ہ نوشابہ نے کہا ہے کہ میں صوبائی حکومت اور متعلقہ اداروں کی بے حسی کے باعث اپنے جوانسا ل بیٹے شکیل احمد کے علاج کیلئے بھیک مانگنے پر مجبور ہو گئی ہوں ۔ پشاور پریس کلب میں پریس کانفرنس کرتے ہوئے انہوں نے وفاقی حکومت اور مخیر حضرات سے اپنے اکلوتے بیٹے کے علاج کیلئے مالی امداد کی اپیل کی ہے اور کہا ہےکہ ان کا 29سالہ بیٹا شکیل جو انکا شوہر کےانتقال کے بعد واحد سہارا ہے ، ڈیڑھ برس سے گردے کے مرض میں مبتلاہے اوراسکےدونوں گردے شدید متاثر ہوچکے ہیں، علاج پر اپنی ساری جمع پونجی خرچ کردی اور اس کیلئےگھر تک بیچ دیا۔اب ڈاکٹروں نے ب نئے گردے لگانے کا مشورہ دیاہے جس سے بیٹے کی زندگی بچ سکتی ہے ۔لیکن میرے اتنے وسائل نہیں ۔نوشابہ نے صوبائی حکومت ،پی ٹی وی اور ریڈیو پاکستان کے حکام سے سخت شکوہ کرتے ہوئے کہاکہ میں نے 1979سے اب تک بطور فنکارہ اس صوبے کی خدمت کی اور کبھی بھی کسی سے ایک روپیہ کی مدد نہیں مانگی ہے لیکن اب میں ایک بے بس ماں ہوں۔اپنے جوانسال بیٹے کے علاج کیلئے ہر کسی سے بھیک مانگنے پر مجبور ہوگئی ہوں۔لیکن افسوس کہ ہر طرف سے مجھے مایوس کیا گیاہے۔انہوں نے کہاکہ اب میں خیبر پختونخواحکومت سے دلبرداشتہ ہوکر وفاقی حکومت اور دمخیر حضرات سے مددکی اپیل کرنے پرمجبور ہوں۔
فرمان الہی
نماز کے اوقات
