راولپنڈی (اپنے نامہ نگار سے ) راولپنڈی اور چکلالہ کینٹ ایریاز کے مزید130مقامات سے ڈینگی لاروا نکل آیا، کینٹ ایریاز میں ڈینگی لاروا کی افزائش میں آئے روز اضافہ دیکھنے میں آیا ہے خصوصاً گھروں سے زیادہ ڈینگی لاروا نکل رہا ہے ، پیر کو انسداد ڈینگی کی ٹیموں نے راولپنڈی کینٹ کی آبادیوں نصیر آباد ، برٹش ہومز، سلیمان آباد ، گوالمنڈی ، ٹنچ بھاٹہ ، ڈھوک سیداں ، غازی آباد ، افشاں کالونی ، پیپلز کالونی ، مصریال روڈ ، ڈھوک گجراں اور سہام وغیرہ میں مجموعی طور پر 1959گھروں کی چیکنگ کی تو 78مقامات سے ڈینگی لاروا برآمد ہوا جبکہ اس دوران دو کمرشل مقامات جن میں بسم اللہ ملک شاپ افشاں کالونی اور کیپ کول مارکیٹ افشاں کالونی سے لاروا نکلنے پر متعلقہ جائیدادوں کو سربمہر کرنے کیلئے لکھ دیا گیا ہے ، عملہ نے لاروا کو موقع پر ہی تلف کر دیا۔ادھر چکلالہ کینٹ ایریاز میں انسداد ڈینگی کی ٹیموں نے گلستان کالونی ، ڈھوک چراغدین ، لالکڑتی ، جھنڈا چیچی ، ٹاہلی موہری ، ڈھیری حسن آباد کی آبادیوں کے 1094گھروں کی چیکنگ کی تو 50مقامات سے ڈینگی لاروا برآمد ہوا جسے موقع پر ہی تلف کر دیا گیا۔
فرمان الہی
نماز کے اوقات
