راولپنڈی (اپنے نامہ نگار سے ) راولپنڈی کینٹ بورڈ کی طرف سے 66ہزار سے زائد پراپرٹی ٹیکس دہندگان کو ٹیکس چالان بھجوانے کے باوجود پہلے اڑھائی ماہ میں 10سے 12کروڑ روپے کی ٹیکس ریکوری ہو سکی ہے ،30ستمبر تک ٹیکس ادائیگی پر 15فیصد رعایت ہونے کے باوجود کینٹ میں ٹیکس ادائیگی کم رہی ہے ، کینٹ بورڈ ذرائع کے مطابق رواں مالی سال کیلئے پراپرٹی ٹیکس وصولیوں کی ڈیمانڈ 56کروڑ روپے ہے ، گذشتہ مالی سال کے دوران 30ستمبر تک 21کروڑ روپے کی ٹیکس وصولیاں ہوئی تھیں ، ادھر کینٹ بورڈ کے متعلقہ شعبے کے حکام نے ریکوری کو بہتر بنانے کیلئے شہریوں میں آگاہی مہم شروع کر دی ہے ،ان کا کہنا تھا کہ عید کی وجہ سے ریکوری کم رہی ہے ،30 ستمبر تک ریکوری اچھی ہو جائیگی، ذرائع کے مطابق پانچ مرلے اور اس سے کم کے مالکان سے صفائی چارجز کی وصولی سے اس مد میں گذشتہ مالی سال کے مقابلے میں زیادہ وصولیوں کی توقع ہے۔
فرمان الہی
نماز کے اوقات
