ملتان(نمائندگان)بہاولپورمیںمیاں بیوی کو ٹریکٹر ٹرالی نے کچل دیا،رحیم یار خان،خانیوال اور دراہمہ میں4افراد چل بسے،تفصیلات کے مطابق حاصل پور کے رہائشی محمد جاوید اوران کی بیوی منیر بی بی موٹرسائیکل پر بہاولپورسے خانقاہ شریف جارہے تھے کہ فتووالی سمہ سٹہ کے قریب اوور ٹیک کرتے ہوئےگر ٹریکٹرٹرالی کے نیچے کچلے گئے، دونوں بیوی موقع پر جاں بحق ہوگئے۔ پولیس تھانہ سمہ سٹہ نے لاشیں قبضے میں لیکر ہسپتال منتقل کر دیں اور قانونی کارروائی شروع کردی۔رحیم یارخان سے سٹی رپورٹر کے مطابق ڈہرکی کی رہائشی36سالہ حجانی مائی ا اور اسکا شوہر مطلب الدین موٹرسائیکل پر جارہے تھے کہ سامنے سے آنے والے تیز رفتار رکشہ سے ٹکرا گئے ۔حادثے میں حجانی مائی شدید زخمی ہوگئی جسے رحیم یارخان ہسپتال منتقل کیا گیا لیکن وہ جانبر نہ ہو سکی۔ دراہمہ میں گیدڑوالہ کے رہائشی دوموٹر سائیکل سوارسے دودھ لینے جارہے تھے کہ بری شاہ کے قریب ملتان روڈ پر ایک ویگن تیز رفتار ی سے قریب سے گزری جس سے موٹر سائیکل بے قابو ہوکر ٹرک کے نیچے آگیا ،حادثے میں ایک نوجوان شعیب ولد اختر بھٹی موقع پر دم توڑ گیا جبکہ دوسرا شدید زخمی ہوگیا، زخمی کو تشویشناک حالت میں ہسپتال منتقل کردیا گیا۔ خانیوال کے نواحی گاؤں 39دس آر کا رہائشی نذیر ولد سلطان موٹر سائیکل پر خانیوال شہر آرہا تھا کہ نیازی چوک کے قریب بس نے ٹکر دے ماری جس سے وہ شدید زخمی ہوگیا ، بعدازاں ڈسٹرکٹ ہسپتال میں زخموں کی تاب نہ لاتے ہوئے جاں بحق ہوگیا ۔
فرمان الہی
نماز کے اوقات
