کراچی(اسٹاف رپورٹر) پاکستان ہاکی فیڈریشن کی سلیکشن کمیٹی نے قومی سینئر اور جونیئر ہاکی ٹیموں کا اعلان کر دیا ہے۔ محمد عرفان سینئر ایشین چیمپئنز ٹرافی میں قومی ٹیم کی قیادت کریں گے جب کہ محمد دلبر سلطان جوہر ہاکی ٹورنامنٹ میں قومی جونیئر ٹیم کے قائد ہوں گے۔ دونوں ایونٹ ملائشیا میں کھیلے جائیں گے۔ چوتھی ایشین چیمپئنز ٹرافی 20 سے30 اکتوبر تک کونٹن (ملائیشیا) جب کہ سلطان جوہر ہاکی ٹورنامنٹ 31 اکتوبر سے 6 نومبر تک جوہر بارو (ملائیشیا) میں کھیلا جائے گا۔ قومی ٹیم کے ہاف بیک عماد شکیل بٹ کو دونوں ٹیموں میں شامل کیا گیا ہے۔ جب کہ تجربہ کار فاروڈ حسیم خان کی ٹیم میں واپسی ہوئی ہے،قومی سینئر ٹیم میں عمران بٹ، امجد علی، گول کیپر علیم بلال، محمد عرفان، عماد شکیل بٹ، فل بیکس راشد محمود، تصور عباس، نواز اشفاق، فرید احمد، توثیق ارشد، رضوان جونیئر، ہاف بیک عرفان جونیئر، عمر بھٹہ، ارسلان قادر، علی شان، اعجاز احمد، ایم رضوان سینئر، عبدالحسیم خان فارورڈز شامل ہوں گے۔ حنیف خان منیجر، خواجہ جنید ہیڈ کوچ، احمد عالم اسسٹنٹ کوچ، ندیم لودھی ویڈیو انالسٹ۔ جب کہ جونیئر ٹیم میں علی رضا، طلال خالد، (گول کیپر) عاطف مشتاق، حسن انور، مبشر علی، (فل بیکس) عماد شکیل بٹ، ابوبکر محمود، فیضان، جنید کمال، تزیم الحسن، (ہاف بیک) شان ارشاد، اظفر یعقوب، محمد دلبر، محمد عتیق، بلال قادر، محسن صابر، رانا سہیل ریاض، سمیع اللہ، محمد رضوان، عمر حمیدی، (فارورڈز)، بریگیڈیئر (ر) مشتاق فاران منیجر، طاہر زمان ہیڈ کوچ، ذیشان اشرف اسسٹنٹ کوچ، ویڈیو انالسٹ محمد زاہد ہوں گے۔
فرمان الہی
نماز کے اوقات
