کراچی ( اسٹاف رپورٹر) ایشین چیمپئنز ٹرافی میں حصہ لینے والی قومی ہاکی ٹیم کے کھلاڑی کراچی میں مختصر پریکٹس کے لئے جمعرات کو کراچی پہنچ گئے۔ قومی کھلاڑی جمعے کو عبدالستار ہاکی اسٹیڈیم میں دو سیشن میں پریکٹس کریں گے۔ ٹیم کے منیجر حنیف خان کے مطابق صبح آٹھ اور شام کو چار بجے ان سیشن کا آغاز ہوگا، ہفتے کو کھلاڑی دوپہر میں پریکٹس کریں گے اور رات کو کراچی سے کوالالمپور روانہ ہونگے ایشین ہاکی چیمپئنز ٹرافی 20 اکتوبر سے ملائیشیا میں شروع ہوگی۔مردوں کی ایشین ہاکی چیمپئنز ٹرافی اس ماہ کی بیس سے تیس تاریخ تک ملائیشیا کے شہر کوانٹن میں ہوگی ۔چیمپئن شپ میں پاکستان ،بھارت، ملائیشیا، کوریا، جاپان اور چین کی ٹیمیں شرکت کررہی ہیں۔ پاکستان ہاکی فیڈریشن نے محمد عرفان سینئر کو قومی ٹیم کی قیادت دی ہے، تجربے کار فارورڈ حسیم خان کی ٹیم میں واپسی ہوئی ہے۔
فرمان الہی
نماز کے اوقات
