شیخوپورہ(نمائندہ جنگ سے)وزیر اعلیٰ پنجاب میاں شہباز شریف گزشتہ روز بھی شیخوپورہ کا اچانک دورہ نہ کرسکے ان کے ممکنہ دورے کی اطلاع ملتے ہی ضلعی انتظامیہ اور دیگر سرکاری محکمے حرکت میں آگئے، بالخصوص ڈی ایچ کیوہسپتال کی انتظامیہ کی دوڑیں لگ گئیں۔ذرائع نے بتایا ہے کہ وزیر اعلیٰ پنجاب اپنے دورہ کے دوران محکمہ پبلک ہیلتھ اور محکمہ دیہی ترقی کے علاوہ محکمہ بلڈنگز اور ہائی ویز کے زیر اہتمام ہونیوالے ترقیاتی کاموں کی چیکنگ بھی ممکنہ طور پر کریں گے، وزیر اعلیٰ سیکرٹریٹ کو ان ترقیاتی کاموں کے بارے میں مسلسل شکایات موصول ہورہی ہیں، وزیر اعلیٰ پنجاب گاؤں گجیانہ نو اور چک نمبر 13آر بی میں بننے والی گراؤنڈوں کا بھی معائنہ کریں گے۔
فرمان الہی
نماز کے اوقات
